Why Choose Samaj Unnati?
काही दशकांपूर्वी जागतिकीकरण आणि औद्योगिकीकरणाचे युग सुरू झाले. बरेच लोक आपले जन्मस्थान सोडून जास्तीत जास्त पैसे मिळवण्यासाठी मोठ्या गावात, शहरांमध्ये किंवा देशांत गेले आहेत. समाज विखुरला गेला. यामूळे त्यांचा , त्यांचे कुटुंब, मित्रपरिवार यांच्यापासून संपर्क कमी / तुटला आहे. शहरांमध्ये देखील, हे लोक कार्यक्षेत्रात जास्त वेळ घालवतात म्हणून त्यांचे सामाजिक संपर्क नगण्य आहेत. तसेच बर्याच वेळा छोट्या खेड्यात किंवा गावातल्या मुलांना शाळेत किंवा महाविद्यालयात शिकण्यासाठी इतर मोठया शहरात जाण्याची गरज पडते . घरापासून जास्त काळ दूर राहिल्याने ह्या मुलामुलींची आपल्या कुटुंबातील आणि इतर नातेवाईकांपासून संपर्क कमी होतात. या मुलामुलींमध्ये आपापसांत व परस्परसंवाद नसल्यामुळे त्यांना त्यांच्या नातेवाईकांना ओळखणे फार कठीण होते. म्हणून ते त्या नवीन शहरातील इतर समाजातील नवीन लोकांशी संवाद वाढवतात. समाजात संपर्क नसल्यामुळे पालक स्वतःच्या समाजातून मुलं-मुलींच्या अपेक्षेनुसार विवाह योग्य उमेदवार शोधण्यात असमर्थ असतात. समाजातील आंतरजातीय विवाहात वाढ होण्याचे हे एक महत्त्वाचे मूळ कारण आहे.
सध्याची नवीन पिढी त्यांच्या बहुतेक नातेवाईकांना ओळखत नाही. कुटुंबातील सदस्यांकडे कौटुंबिक वंशावळी नसते. वैयक्तिक कौटुंबिक वंशावळी मिळवण्याचा एकमेव मार्ग म्हणजे कुटुंबातील सर्वात जुन्या व्यक्तींकडून माहिती मिळविणे, जे तुम्हाला ४-५ पिढ्यांच्या नातेवाईकांना सांगू शकतात. नवीन पिढीला २-३ पिढ्यांपर्यंत क्वचितच माहित असेल आणि त्यांच्यामधील परस्परसंवाद फारच कमी आहेत. आजकाल आम्ही सहजपणे अशी कुटुंबे पाहू शकतो ज्यातील मुलामुलींचा स्वतःच्या पालकांशी सुद्धा संबंध नाहीत. ही खरी परिस्थिती आहे. हे सॉफ्टवेअर कौटुंबिक वंशावळीची नोंदी रेकॉर्ड करण्यासाठी तयार केले आहे. जेणेकरुन नवीन पिढी सहजपणे त्यांच्या सर्व नातेवाईकांबद्दल माहिती मिळवू शकेल.
आपल्या कुटुंबातील कोण, कोण आहेत हे जाणून घेण्यासाठी, आवश्यकतेनुसार कौटुंबिक वंशावळीत/ वृक्षातील सदस्यांची अधिक, अधिकृत माहिती त्वरित मिळविण्यासाठी आणि आपल्या वैयक्तिक कौटुंबिक वंशावळ / वृक्ष तयार करण्यासाठी आम्ही हे सोपे डिजिटल व्यासपीठ देत आहोत. आपण वेगवेगळ्या हेतूंसाठी ही माहिती अनेक वेळा वापरू शकता. त्याच प्रकारे समाजातील प्रत्येक व्यक्तीने त्यांचे कौटुंबिक वंशावळ नोंदणीकृत केल्याने त्यांच्या परस्परांतील आंतर संबंधांद्वारे संपूर्ण समाजाचा डेटाबेस तयार करण्यात मदत होईल. आपले नातेसंबंध जगभर पसरलेले आहेत, यामुळे हे एक प्रचंड मोठे समाजाचे नेटवर्क तयार होईल.
सध्याच्या डिजिटल जगात लोक समाजातील सदस्यांशी संवाद साधण्यासाठी बर्याच लोकप्रिय मेसेंजर अँप्स वापरतात, परंतु त्यास फारच मर्यादित वाव आहे. हे अँप्स पाश्चात्य संस्कृतींचा विचार करून तयार केले गेले आहेत, जिथे त्यांचे समाज, नातेसंबंध नगण्य आहेत. त्यांचे कौटुंबिक संबंध केवळ १-२ नात्याच्या स्तरापर्यंतच असतात. हि अँप्स फक्त मित्रामधील संवादाला सोईस्कर आहेत. म्हणूनच, हे अँप्स आपल्या भारतीय सामाजिक संरचना आणि विभिन्न शेकडो नातेसंबंध असणाऱ्या समाजासाठी परिपूर्ण नाहीत. यामध्ये नातेसंबंध जोडण्याची व नातेसंबंधाचे स्तरासाठी कोणतीही तरतूद नाही. स्वतःचे कौटुंबिक वृक्ष तयार करण्याची कोणतीही तरतूद नाही.
समाजाच्या सदस्यांच्या सुसंवादासाठी कोणतेही विशिष्ट डिजिटल समाधान उपलब्ध नाही, ज्यात वैयक्तिक संबंधांसह पद्धतशीर, स्तरीय निहाय कौटुंबिक वृक्ष अपलोड करण्याची सोय आहे आणि समाजाच्या सदस्यांमध्ये विविध सामाजिक आणि व्यावसायिक संवाद साधण्याची तरतूद आहे. हे सॉफ्टवेअर प्रत्येक व्यक्तीस स्वतःचे कुटुंब आणि समाजातील सदस्यांशी संपर्क साधण्यास मदत करेल, जेणेकरून त्यांना समाजातील कोणत्याही सदस्यासह विविध व्यवहार करण्यास अधिक सहजता वाटेल. यामुळे सर्व समाजाशी जोडलेले राहतील. यामुळे समाजाच्या सर्वांगीण वाढीस मदत होईल.
हे अँप समाजातील दळणवळणाची दरी कमी करेल आणि भौगोलिक स्थाने जरी खूप दूर असली तरीही त्यांना जोडून ठेवेल. हे एकच असे व्यासपीठ आहे जे संपूर्ण समुदायाची उन्नती होण्यासाठी समाजातील सदस्यांमधील परस्परसंवाद वाढविण्यासाठी डिझाइन आणि विकसित केले आहे. विद्यमान किंवा पारंपारिक पद्धती जसे की फोन कॉल, मेसेज, मेळावे इत्यादींसह हे व्यवहार्य नाही. या अँपच्या सहाय्याने सर्व समाजातील सदस्य आपल्या नातेवाईकांशी संपर्कात राहून आपले नातेसंबंध टिकवू शकतात. त्यांना संपर्कात राहण्यास आणि कोणत्याही खर्चाशिवाय प्रभावी आणि कार्यक्षम संवाद ठेवण्यास मदत करतात. या सोल्यूशनमध्ये सर्व समाज सदस्यांच्या सर्व सामाजिक आणि व्यावसायिक आवश्यकता पूर्ण करण्यासाठी सर्व संभाव्य वैशिष्ट्ये असतील.
भारतीय संस्कृतीत आपल्यात बरेच परिभाषित नातेसंबंध आहेत आणि प्रत्येक नात्याला स्वतःचे महत्त्व आहे. आपल्याकडे संबंधांचे बंधन साजरे करण्यासाठी अनेक सण, विधी असतात. या सॉफ्टवेअरमध्ये १००+ विभिन्न नातेसंबंध आहेत, यामुळे कौटुंबिक वंशावळ / वृक्षात सर्व नातेसंबंध जोडू शकता. कौटुंबिक वृक्ष बनवताना नातेवाईकांच्या संख्येवर कोणतीही मर्यादा नाही. हे फक्त एकाच वेळी डेटा भरणे आहे आणि आपण ही माहिती वेगवेगळ्या कामांसाठी एकाधिक वेळा वापरू शकता. हे विविध व्यवहार आणि चॅट्स आपल्याला कुटुंब आणि समाजातील सदस्यांमधील बंध वाढविण्यात मदत करतील.
हे सॉफ्टवेअर वापरण्याचे काही फायदे खालीलप्रमाणे आहेत.
1. प्रत्येक व्यक्ती स्वतःची बहुस्तरीय कौटुंबिक वंशावळ / वृक्ष तयार करू शकतो. कारण प्रत्येक व्यक्तीचे वेगवेगळ्या लोकांशी वेगवेगळे संबंध असतात. रक्ताच्या नात्याने स्तराची व्याख्या केली आहे.
२. जेव्हा आवश्यक असेल, जनसंवादासाठी सर्व सदस्यांचे वय, व्यवसाय, लिंग, स्थान इत्यादीनुसार डेटा मिळवणे शक्य आहे. ग्रामसभां त्यासाठी आमच्याशी संपर्क साधू शकतात.
३. लोकांना लग्नाच्या वेबसाइटवर त्यांचे प्रोफाइल भरणे आवडत नाही. या सॉफ्टवेअरमध्ये समाजातील सर्व सदस्यांची नोंदणी होईल. म्हणून सर्व संभाव्य वधू आणि वर या व्यासपीठावर उपलब्ध असतील. आणि त्यांना इतरत्र शोधण्याची आवश्यकता नाही. आपण आपल्या नातलगांबद्दल देखील माहिती मिळवू शकता ज्यांना वधू / वर यांचे कुटुंब माहित आहे व जे तुम्हाला त्यांच्याबरोबर अधिक चांगले संवाद साधण्यास मदत करू शकतील.
४. आपल्या नातेसंबंधांच्या विभिन्न स्तरांचे स्वतंत्र गप्पा गट तयार केलेले आहेत. आपण आपल्या नातेवाईकांशी गप्पा मारू शकता. गटातील व्यक्तींच्या संख्येवर कोणतीही मर्यादा असणार नाही. व्हॉट्सअँप वापरण्याची गरज नाही.
५. आपल्याला आपल्या जवळच्या ग्रामसभा कार्यालयाकडून वेगवेगळे उत्सव, सामाजिक कार्यक्रमांबद्दल वेळेवर सूचना किंवा संदेश मिळेल. आपल्याला सॉफ्टवेअरमध्ये सध्याचा संपर्क क्रमांक आणि पत्ता तपशील राखणे आवश्यक आहे.
६. हे सॉफ्टवेअर टेलिफोन निर्देशिका म्हणून वापरले जाईल कारण त्यात सर्व समाजातील सदस्यांचे अद्ययावत संपर्क तपशील असतील.
७. या सॉफ्टवेअरमध्ये समाजातील सदस्यांचा व्यावसायिक तपशील जोडण्याची तरतूद देखील असेल. जेणेकरून इतर सदस्यांना या प्रणालीमध्ये संबंधित व्यावसायिक सापडतील. याचा उपयोग समाजातील लोकांमध्ये व्यावसायिक व्यवहार वाढवण्यासाठी होईल. तत्सम क्षेत्रातील व्यावसायिक त्यांच्या प्रगतीसाठी एकत्र येऊ शकतात किंवा त्यांच्या भविष्यातील व्यवसायासाठी नवीन पिढीला मार्गदर्शन करू शकतात.
८. येथे कोणत्याही शुल्काशिवाय आपण आपल्या व्यवसायातील नोकरीची जाहिरात करू शकता जेणेकरून आपल्याला समाजाकडून योग्य आणि विश्वासू उमेदवार मिळू शकेल. यामुळे समाजातील सदस्यांना अधिक रोजगार मिळण्यास मदत होईल.
९. जेव्हा आपल्याला आवश्यक असेल तेव्हा आपल्या नातेवाईकांची सर्व वैयक्तिक माहिती एका क्लिकवर मिळेल.
१०. हे आपल्याला वाढदिवस, निधन वार्ता, वर्धापन दिन आणि इतर कार्यक्रम वेळेवर सूचित करेल जेणेकरुन आपण उपस्थित राहणे / शुभेच्छा देणे विसरणार नाही.
११. आधार कार्ड, पॅनकार्ड, ड्रायव्हिंग लायसन्स, पासपोर्ट, वाहन कागदपत्रे आणि इतर तत्सम महत्वाची कागदपत्रांची डिजिटल प्रत ठेवण्याची तरतूद असेल. जेणेकरून जेव्हा आपल्याला आवश्यक असेल तेव्हा आपण ते वापरू शकता.
१२. आपण आपल्या नातेवाईकास सभासदांच्या यादीत समावेश होण्यासाठी आमंत्रित करू शकता जेणेकरून ते त्यांचे कौटुंबिक वृक्ष देखील बनवू शकतील.
कृपया याचा वापर करा, आपल्या सर्व नातेवाईकांची माहिती भरून स्वतःची वंशावळ करण्यास प्रारंभ करा आणि तसेच आपला बहुमूल्य अभिप्राय, सूचना द्या.
लक्ष आणि वेळ दिल्याबद्दल धन्यवाद
यशस्वी अंमलबजावणीसाठी समाजाच्या ग्रामसभांकडून लागणारी मदत.
आता ह्या सॉफ्टवेअरचा पहिला टप्पा अंमलबजावणीसाठी सज्ज आहे. समाजातील सर्व सदस्य हे सॉफ्टवेअर कोणत्याही शुल्काशिवाय वापरू शकतात. प्रत्येक लहान, मोठे समाज सदस्य आपल्या सर्व नातेवाईकांना जोडून कौटुंबिक वृक्ष तयार करू शकतात. आपला समुदाय जगभर पसरला आहे. परंतु हे समाजासाठीचे सॉफ्टवेअर असल्याने आम्हाला सर्व नोंदणीकृत सदस्यांची तपासणी करणे आवश्यक आहे की ते आपल्या समाजातील आहेत की नाहीत. भारतभरातील आपल्या समाजाच्या ग्रामसभेच्या कार्यालयाच्या पाठिंब्याशिवाय ते शक्य नाही. संपूर्ण भारतात त्याचा प्रचार करण्यासाठी आम्हाला आपल्या समर्थनाची आवश्यकता आहे. मी सर्व ग्रामसभांना विनंती करतो की प्रत्येक ग्रामसभा कार्यालयातून इच्छुक उमेदवारांची नेमणूक करावी जेणेकरुन आम्ही सभासद नोंदणी व इतर पत्रव्यवहारासाठी त्यांच्याशी समन्वय साधू.
समाजाच्या सदस्यांची पडताळणी करण्याची प्रक्रिया खालीलप्रमाणे असेल.
१. सिस्टममध्ये नोंदणी केलेल्या सर्व नवीन सदस्यांचा डेटा आम्ही वेळोवेळी मिळवू.
२. आम्ही गाव / शहरानुसार हा नोंदी झालेला नवीन डेटा वर्गीकृत करू.
३. आम्ही हा वर्गवारी केलेला तयार डेटा त्या शहरातील समाजाच्या ग्रामसभेच्या कार्यालयात पाठवू.
४. ह्या समाजाच्या कार्यालयांनी सदस्याच्या सत्यतेची तपासणी करुन आम्हाला पुष्टी केली पाहिजे. सिस्टममध्ये कोणताही बनावट किंवा चुकीचा सदस्य असल्यास आम्ही त्यांना सिस्टममध्ये ब्लॉक करू शकतो.
५. यामुळे सर्व समाजाच्या ग्रामसभा कार्यालयांना त्यांच्या विभागातील समाजाच्या सदस्यांची अद्ययावत माहिती मिळण्यास मदत होईल.
६. जरी कोणी तपासणी करत असताना चुकला, तरी आपल्याकडे या सॉफ्टवेअरमध्ये कोणताही आर्थिक व्यवहार नसल्यामुळे कोणताही धोका नाही.
म्हणून आपणास विनंती आहे की आपण यास समाजाच्या ग्रामसभा पर्यंत पोहोचविण्यासाठी मार्गदर्शन / प्रयत्न करावे. यामुळे सर्व वयोगटातील सदस्यांना त्यांचा समुदायातील संवाद सुधारण्याचा फायदा होईल. कोणत्याही शंका किंवा पुढील स्पष्टीकरणासाठी कृपया आम्हाला ९०४९८१७३५५ या नंबरवर संपर्क करणे.